სიახლეები

2018 წლის 26-29 ოქტომბერს ვაინშტაინის საერთაშორისო ფონდის (Weinstein International Foundation) და ჯეი ენდ თი ქონსალთინგის მმართველი პარტნიორის--გიორგი ცერცვაძის ერთობლივი ინიციატივით მედიაციის განვითარებისადმი მიძღვნილი სამდღიანი კონფერენცია გაიმართა. 

ღონისძიების ფარგლებში საქართველოს ესტუმრნენ დავის ალტერნატიული გადაწყვეტის სფეროში მსოფლიოში აღიარებული პრაქტიკოსები და ვაინშტაინის საერთაშორისო ფონდის ბორდის წევრები: დანიელ ვაინშტაინი; დევიდ კარდენი; ბრუს ედვარდსი; ჯეი ველში; ლეონარდო დურსო 

იხილეთ ვრცლად

2018 წლის 8-9 ნოემბერს იურიდიული ფირმა “ჯეი ენდ თი ქონსალთინგის” მმართველი პარტნიორი გიორგი ცერცვაძე სიტყვით გამოვიდა ბრაზილიის მედიაციისა და არბიტრაჟის ცენტრის  (Centro Brasileiro de Mediação e Arbitragem) (CBMA)მიერ ორგანიზებულ მეორე საერთაშორისო კონფერენციაზე, რომელსაც რიო დე ჟანეირომ უმასპინძლა. 

 

გიორგი ცერცვაძესთან ერთად მოხსენებით წარდგნენ და პანელურ დისკუსიაში მონაწილეობდნენ  საერთაშორისო ექსპერტები, მოსამართლეები და დავის გადაწყვეტიის ალტერნატიული საშუალებების პრაქტიკოსები იტალიიდან ბრაზილიიდან და  აშშ-დან. დისკუსია შეეხებოდა მედიაციის განვითარების ხელშემშლელ ფაქტორებს მითითებულ ქვეყნებში.  თითქმის ყველა მომხსენებლის მიერ ხაზი გაესვა იმ პრობლემების ერთგვაროვან ხასიათს, რომელსაც მედიატორები და არბიტრები განსხვავებული სამართლებრივი ტრადიციების  მქონე ქვეყნებში თავიანთ ყოველდღიურ საქმიანობაში აწყდებიან. 

 

კონფერენციაზე სპეციალურად აღინიშნა ონლაინ სივრცეში წარმოშობილი დავების მედიაციის და არბიტრაჟის გამოყენებით გადაჭრის მნიშვნელობისა და ამ მიმართულებით არსებული პერსპექტივების შესახებ, რაც შეიძლება განსაკუთრებით საინტერესო იყოს ჩვენი ქვეყნისათვის.  

 

იხილეთ ვრცლად

19-20 სექტემბერს ევროკომისიის ორგანიზებით სასტუმრო ბილტომორში ორდღიანი სემინარი გაიმართა. სემინარზე ევროკავშირის, საქართველოს პარლამენტის, პროფესიული კავშირების, ევროპული ბიზნეს ასოციაციის (EBA), დასაქმებულთა ასოციაციის, საერთაშორისო ორგანიზაციებისა და ბიზნესის წარმოამდგენლებმა საქართველოში არსებული შრომის სტანდარტები და სამუშაო პირობები განიხილეს. სემინარში მონაწილეობდა ჩვენი კომპანიის მმართველი პარტნიორი გიორგი ცერცვაძე, მან თავის მოხსენებაში არსებულ პრობლემებზე, ბიზნესექტორის ხედვასა და პრობლემების მოგვარებაში ბიზნესის როლზე ისაუბრა. 

იხილეთ ვრცლად

ევროპული ბიზნეს ასოციაციისა და "ჯეი ენდ თი ქონსალთინგის" ინიციატივით გაიმართა შეხვედრა, რომლის ფარგლებშიც ასოციაციის წევრები მედიაციის შესახებ კანონპროექტს გაეცნენ. შეხვედრაზე ისაუბრეს დავის ალტერნატიული გადაწყვეტის გზების გამოყენების უპირატესობაზე ბიზნესისათვის. 

იხილეთ ვრცლად

საქართველოს ადვოკატთა ასოციაციის ყოველწლიური საფეხბურთო ტურნირის გამარჯვებული FC ლევან ჯანაშიას გუნდი გახდა. გუნდმა “ადვოკატის თასი” ზედიზედ მეოთხედ მოიპოვა.

 

იხილეთ ვრცლად